حياتي هدف .. ماهي عبث

السلام عليكم ورحمة الله وبركاته ..

حلوو إن الواحد يكتب يومياته ،، وانا اساساً عندي دفتر اكتب فيه ..
وبعد عيبتني فكرة اليوميات في المنتدى ..
نستفيد ونفيد ان شاءالله ..
نتعلم من تجارب الغير ويتعلمون من تجاربنا ..

قبل سنتين تقريبا بديت اكتب يومياتي ولكن كل الأحداث اللي مرت علي وكتبتها كانت تظايجني يوم ارد اقراها ..
فقررت اني اقطع الدفتر عشان انسى كل هالأشياء ..

والسنة اللي طافت نفس الشي بديت اكتب اشيا حلوة واشيا مب حلوة تعيسه ..
ولين خلصت اوراق الدفتر نفس الشي حسيته كئيب وفيه وايد اشيا لو مااذكرها احسن ..

**ماماتي دوم كانت تقولي :: النسيان نعمة ..
صح نعمة بس اذا كان الواحد مسوي انجاز او شي حلو في حياته حلو انه يذكرها ..

وفريت الدفتر في مكان في حجرتي صعب أوصل له ..
وحالياً مابا افتحه ولا اقلب صفحاته ..
يمكن افكر عقب مده ،،

أما دفتر يومياتي اللي الحين عندي ،،
حرصت على اني اكتب فيه كل شي حلو يمر علي ،،
اما الاشيا اللي تظايج ابتعد عنها ،،
لاني ما ابا اذكرها عقب..

من فتره بالغلط كنت اجلب اغراض اختي وحصلت دفتر غريب ..
ويوم فتحته شفت يومياتها ...

انا ابدا مب قصدي اني اقراه ..
بس مجرد فضول ..
ولانها اختي اللي اصغر عني ..
حسيت اني لازم اعرف هي شو تسوي وشو ما تسوي ..

قريت من بين صفحاتها ..
"اختي يالسه تكتب يومياتها وانا بعد بكتب لاني احب اقلدها بكل اللي تسويه "

استانست وايد عليها .. ماادري ليش !!

خصوصا وانا احاول اتجرب منها ولكنها هي تبتعد عني ..
لان شخصياتنا وايد بعيده عن بعض ..
حتى اذواقنا مختلفة ..!!

و هذي كانت بدايتي ..

شكر ا على الموضوع
انا ايضا عندي دفتر يوميات بس اكتب في كل شي حلو ومر مشان اتعلم من الماضي واذكر كل شي صار

موضوع او فكره حلوه اخ عاشق الليل والله يجعل كل ذكراك سعيده وكل الناس يا رب وموفق

مشكورين على المرور العذب