بديا دار النشامى والصقور

أكتب أنا في شفها دار النشامى والصقور

دار أبد ما جابها في الوصف كل اللي يقال

سقت المثايل مثل ما سوق المجدي في القفور

ما ردته رمضا ولا عرقٍ ولا رملٍ هيال

وروضت انا شعري لها من قلب واحساس وشعور

والشوق زلزل خافقي ما جا على هون وعدال

ما قلت انا زيف وخطأ لا قلت هي بدر البدور

هي من عجايب هالزمن والحق حق بلا جدال

يا بديا يا حبٍ سكن وسط الحنايا والصدور

حبٍ تملك خاطري فوق التصور والخيال

يا دانةٍ ما تنشرى من قاع غزراتْ البحور

أغلى من الغالي نعم ما صاغها راعي الدلال

فيها الحسن ما له وبي واللي انجبر فيها امعذور

ما دام ربي زانها ولبسها من ثوب الجمال

لا جيت ابوصف حسنها هي سيد ربات الخدور

مزيونةٍ هذي اللتي لا قالوا السحر الحلال

وان جيت ابين لهفتي والشوق خانني السطور

وأنا الذي عاشق نعم والعشق ما عنه مجال

حتى ولو عيني غفت كل الجوارح والشعور

ترحل وتأخذني غضـب وتجدد عهود الوصال

حافظ على ناسٍ لهم في خاطري أكبر حضور

تعرف مواجيب العرب ما تشتكي عسر وعلال

ناسٍ بشاشتهم عجب ترحيب واكرام وحبور

تلقى معانيهم فخر وتزين أفعال الرجال

يتناقلوا طيب الفعل ما يشتكوا ضيم وقصور

وان جيتهم هم لابتك ولزوم في حالٍ ومال

جيتك وانا كلي وله يا بديا يا ضيٍ ونور

تستاهلي كل الغلا يا شمس ما تعرف زوال

منقول

شكرا إلك على الموضوع بديا دار النشامى والصقور 419365

بحكيلك من كل قلبي :ثانكس:

و إلى الأمام
بديا دار النشامى والصقور 23228

" />

مع تحيات:الأدارة
بديا دار النشامى والصقور 59048