أنا و الليل و القمر!!!!!!!!!!!

أنا و الليل و القمر
و نسمة مسا عند السحر
وصور عم تبكي صور
أيام بتمر بيركض معها العمر
ودموع موضبة بشنتة سفر
ذكريات تتهاوى بطعنات الغدر
وآهات مخنوقة جوى الصدر
و عيون ملبكة ترقرق فيها بحر
بلحظة وفا ضاعت فوق السطر
أنا و الليل و القمر
و مشوار ابتدا من الصفر
بدرب طويل شوك يعانق صخر
و قصة حب دبلت متل الزهر
ومشاعر مسفوحة تجري نهر
تحكي قصة عشق دمها حبر
غفيت فوق الصفحة وصارت خبر
ورعشة جسد ضمو البرد و المطر
و كفن أبيض جوى القبر
أنا و الليل و القمر
و غابة وحوشها من البشر
وقلوب مقدودة من الحجر
و كلمات تنزل عهر بعهر
ووجوه نسيت معنى الطهر
حتى المشاعر صار إلها سعر
وصارت سيف فوق النحر
وفواه مكممة بصوت القهر
حتى الصبر تعب من الصبر
أنا و الليل و القمر
و عتمة قبر

تحياتي:toto